Топ-100
Back

ⓘ Julian Assange iku siji ngèlmuwan, wartawan lan aktivis internèt Australia. Dhèwèké mligi misuwur minangka salah sijining pangrintis situs wèb Wikileaks. Ing si ..



Julian Assange
                                     

ⓘ Julian Assange

Julian Assange iku siji ngèlmuwan, wartawan lan aktivis internèt Australia. Dhèwèké mligi misuwur minangka salah sijining pangrintis situs wèb Wikileaks. Ing situs wèb iki, sok sapaa kang arep ngwadulaké sawatara barang ala bisa ngirim kontribusiné. Wikileaks wis njalari sawatara gègèran. Ing tanggal 7 Dhésèmber 2010, Assange nyerah lan dicekel pulisi ing London. Olèhé dicekel pulisi iku amarga ana paréntah Interpol déné panjaluké Pulisi Swédia. Ing Swédia Assange kadakwa ing sawatara kasus ruda peksa. Ing tanggal 16 Dhésèmber 2010, Assange diuculaké déning pulisi Inggris sawisé mbayar boreh. Banjur ing tanggal 26 Dhésèmber ana kabar manawa Assange wis ngedol haké kanggo nulis buku biografi. Dhèwèké bakal olèh dhuwit kurang luwih US$ 1.500.000. Ujaré dhuwit iki diperlokaké kanggo mbayar béya pangacara ing Swédia. Julian Assange dhéwé nyélak pandakwan iki kabèh lan kandha manawa iki kabèh iku pitenah mawa alesan pulitik.

                                     

1. Babad salira

Assange lair ing taun 1971 ing Townsville, Queensland. Wong tuwané nduwé téater keliling. Mulané dhèwèké naté sekolah ing 37 sekolah kang séjé lan kuliah ing 6 universitas kang béda-béda.

Banjur dhèwèké naté ngeretas nge- hack komputeré siji universitas Australia lan siji perusahaan télékomunikasi. Jaréné kanggo ngetès sistém keamanan komputer. Nanging kepriyé waé dhèwèké dituntut.

Sawisé kuliah, dhèwèké manggon ing Melbourne minangka programer komputer.

                                     

2. Idéologi

Assange iku katoné nyengkuyung paham Kripto-Anarkisme. Mangkat saka paham libertarisme, Kripto-Anarkisme iku duwé pamikiran manawa ana asimètri informasi antara Nagara lan Warga. Sanadyan Nagara iku ngontrol sapérangan gedhé informasi darbéné Wargané, Nagara uga ngrahsyakaké akèh informasi. Inovasi tèknis internèt saiki mènèhi kemungkinan kanggo ngowahi situasi asimètris iki.

Banjur ing siji sisih, kabèh informasi pribadi bisa direksa mawa piranti kriptografis. Manawa iki bisa kalaksanan, pangaribawa Nagara marang Warga bisa dikurangi. Angkah kang padha iku bisa dilakoni déné mbabar informasi kang didarbèni Nagara. Pambabaran informasi iki bisa nggawé Nagara ngurangi iliné informasi lan wusanané iki bisa ngurangi fungsiné Nagara kanthi total. Dadi miturut Assange: "Pambocoran utawa leaking iku siji aktivitas kang ing dhasaré pancèn asifat anti-otoritèr. Iku siji aktivitas anarkis."

                                     

3. Julian Assange lan Wikileaks

Artikel utama: WikiLeaks

Ing taun 2006, Assange mutusaké arep ngedegaké WikiLeaks. Perkara iki dilakoni amarga dhèwèké percaya manawa pangijolan informasi iku bakal mungkasi pamaréntahan kang ora sah. Situs iki nduwé server utama ing Swédia. Taun mau, Assange nulis rong tulisan kang njlèntrèhaké filosofi ing samburiné WikiLeaks: "Supaya bisa gèsèr tingkah laku réjim kanthi radhikal kita kudu mikir kanthi trewaca lan tegas kaya déné yèn kita wis mangertèni, ya iku rejim iku ora gelem diowahi. Kita kudu mikir punjul para pawongan sadurungé kita lan nemu owah-owahan tèknologi kang nggedhèkaké ati kanthi cara-cara tumindak kang ora bisa diayahi déning para leluhur kita." Ing blog-é Assange nulis, "tansaya seneng wewadi lan ora adil siji organisasi bakal tansaya wedi lan paranoid marang kabocoran sajeroning kapemimpinan lan kalangan kang gawé rencana. Amarga sistem kang ora adil, kanthi alamiah bakal nuwuhaké lawan, lan kabocoran kang gedhé bisa nuwuhaké bebaya saka péhak kang péngin ngganti nganggo wangun pamaréntahan kang luwih kabuka."

Assange minangka salah siji saka sanga Déwan Penasihat Wikileaks, lan dadi juru wicara médhia wigati saka Wikileaks. Nalika sawatara koran njuluki Assange minangka "dirèktur" utawa "pendhiri" Wikileaks, Assange njawab, "Aku ora nyebut awakku minangka kang nemu "; nanging nyebutaké yèn dhèwèké minangka pemimpin redhaksi WikiLeaks, lan nyatakaké yèn dhèwèké kang duwé kaputusan sajeroning prosès pamilihan dhokumèn kang arep diamot. Assange nyatakaké yèn Wikileaks wis ngeculaké dhokumèn wadi punjul kabèh kang diculaké donya pèrs sisané kagabung.



                                     

4. Bebungah

Ing taun 2008, Assange menangaké Economist Censorship Index Award, siji bebungah kang dianugerahaké déning kalawarti "Economist" kang dikelola déning kulawarga perbankan Rothschild. Ing taun 2009, Assange dianugerahi Amnesty International Media Award saka pangudiné ngèkspos pamrejayan èkstra yudisial ing Kenya liwat panyelidikan Tangisan Darah-Pembunuhan dan Penghilangan Ekstra Yudisial The Cry of Blood-Extra Judicial Killings and Disappearances. Sasi April 2010, Assange nampa Sam Adams Annual Award, siji bebungah tumrap integritas sajeroning èlmu kawruh.

                                     

5. Pranala njaba

  • Profil Video ing SBS Dateline
  • Julian Assange: Hero or Villain? – slideshow Life magazine
  • Full coverage ing The Guardian
  • Full coverage ing Aljazeera
  • Frost Over the World - Julian Assange David Frost interviews Julian Assange, 22 Dhésèmber, 2010 video: 24:00
  • Julian Assange: Why the world needs WikiLeaks video ing ted.com
  • "Meet the Aussie behind Wikileaks". Fairfax New Zealand. 8 Juli 2008.
  • Special report ing Reuters
  • Archived versions of the home page on Julian Assanges web site iq.org ing Internet Archive
  • "WikiLeaks editor on Apache combat video: No excuse for US killing civilians". RussiaToday. April 2010.
  • Profile: Wikileaks founder Julian Assange ing BBC News
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →